Форум Татарского исторического архива

Грамота 1506-1508 годов, мая 5.

Грамота 1506-1508 годов, мая 5.
« : 05 Июля 2015, 23:42:33 »
1506–1508 гг. мая 5.
 
Уставная грамота ц. Василия Ивановича арским князьям на Вятке.
 
 Се азъ, князь великии Василеи Иванович всея Руси, пожаловалъ есми в своей отчине […] князей Шаптака Ализанова сына, да ево детей Адыша […] Малышку Олюшова сына, да Газыя Ши Мансырува сына, да Давлетияра.
 Кто у них наш наместник ни будетъ в нашей отчине в Вяцкои земле в Хлынове, и онъ у них ходит по сей Нашей грамоте  возметъ у Шаптака у Ализанова сына, да у ево детей у Адыша,да у […]цать белъ, а у Мурсеита у Илясова сына, да у Малышка у Олюшова сына [да у Газы]я у Шик Мансырева полтора ста бел, да у Давлетияра...
 А боле того  намесникъ не емлетъ у нихъ ничево, то ему на весь год. А тиунъ и доводчикъ […к арским ] княземъ и къ ихъ людемъ не въезжаютъ нипо что и ни емлют у нихъ ничево...
  А  взыщетъ князь на князей, ино самихъ князей арскихъ судит нашъ намесникъ хлыновский...хлыновецъ, или слобожанинъ, или котелничанинъ, или орловецъ русинъ, или отяк, или черемисин …вот на Хлыновской земле, и на Слободской, и на Котелницкой и на Орловской  и ково князь пристава пошлетъ да велитъ ево поставити перед собою намесника быти арскимъ княземъ и добрым людем земским,а безъ арскихъ князей и без земских людей хлыновской намесник князей арскихъ не судитъ. А будетъ чево искати хлыновцу, или слобожанину, или котелничанину, или орловцу русину, или отяку  и черемисину[…на арских ] князей в Карине, и нашъ намесникъ хлыновской повелелъ судью за хлыновцемъ […] наместникъ и котелницкой и орловской намесник за слободскимъ человекомъ и за […] же пошлет судеи к арским княземъ, и суди наших намесников с арскими князьями…
А будет чево  искати аренину или отяку каринскому на хлыновце на русине […] и кои судит, а князи арские с нимъ судятъ в Хлынове, а на слобожанине или на котелничанине, или на орловъце на русине или на отяке, и на черемисине взыщетъ аренинъили отякъ каринскои, слободскои, котелницкой и орловской намесники судятъ, и князи арские с ними судятъ.
А о чем ся сопрутъ наши наместники слободской, и котелницкой, и орловскои, и они о том […]хлыновскомъ, а будетъ судъ меж собою ареномъ и отякомъ, которые ж по старине, какъ было напередъ того. А ухожаи свои по рекам и полесамъ, и угодья все князи арские и их люди …держат по старине, как было напередъ того. А намесники наши хлыновские и слобоцкие въ их ухожахи угодьях  тако же есми их пожаловал. Намесникъ нашъ хлыновской держит у них пятно ихъ […] являитъ намеснику хлыновскому или его пятенщику, а онъ у них кони пятнит, а от пятна емлет с лошади  с купца денгу московскую, а с продавца денгу ж московскую. А старых коней и доморощеных  у них не пятнит. А кто  купит лошадь, или продастъ, или менитъ и не явитъ наместнику или его пятенъщику до того же дни, и он уличив того возмет на немъ заповеди и пропятенца два рубля московския.

А дана грамота на Москве [лета семь тысяч …]тово на десят[ь] маия в 5 де[нь].
 
Съ подлинною свидетельствовал секретарь Андреи Бичугов.


ссылка

« Последнее редактирование: 18 Декабря 2016, 16:02:26 от Baibars »